• ખાદી અને ગ્રામ ઉદ્યોગ કમિશને સોમવારે કહ્યું કે કેટલીક નકલી કંપનીઓ વ્યક્તિગત સુરક્ષા ઉપકરણોનું ઉત્પાદન અને વેચાણ કરી રહી છે અને તેના પર 'ખાદી ઈન્ડિયા' લોગો લગાવે છે. કેઆઇસીએ જણાવ્યું હતું કે આવી કંપનીઓ સામે કાયદેસરની કાર્યવાહી કરવામાં આવશે.
  • ખાદી ઈન્ડિયાએ કોઈ પણ પી.પી.ઇ કીટ શરૂ કરી નથી

  • કેઆઇસીઆઈનાં અધ્યક્ષ વિનયકુમાર સક્સેનાએ એક નિવેદન જારી કરતાં સ્પષ્ટતા કરી હતી કે ખાદી ઇન્ડિયાએ હજી સુધી બજારમાં કોઈ પી.પી.ઇ કીટ શરૂ કરી નથી. કેઆઇસીએ કહ્યું કે આવા કિસ્સા સામે આવ્યા છે જ્યાં ખાદી ઉત્પાદનોના નામે બનાવટી પી.પી.ઇ કીટ વેચાઇ રહી છે.

  • કેઆઇસીએ કહ્યું કે આ સંપૂર્ણ રીતે ખોટું અને ગેરમાર્ગે દોરનાર છે અને ખાદી ઇન્ડિયાએ આવી કોઈ ચીજો બનાવતી નથી.

  • નિવેદનમાં કહેવામાં આવ્યું છે કે, "સ્પષ્ટતા કરવામાં આવી છે કે કેઆઇસીએ તેના ઉત્પાદન માટે વિશિષ્ટ રીતે હાથથી બનાવેલા ફેબ્રિકનો ઉપયોગ કરે છે અને તેથી પોલિએસ્ટર અને પોલિપ્રોપીલિન જેવી સામગ્રીમાંથી બનાવવામાં આવતા ઉત્પાદનો ખાદી કે કેઆઇસી દ્વારા પ્રમાણિત નથી."
  • કિટનું પરિક્ષણ બાકી

  • સક્સેનાએ જણાવ્યું હતું કે કેઆઇસીએ ખાદી ફેબ્રિકથી બનાવેલ પોતાનું પીપીઈ વિકસિત કર્યું છે જેની અનેક તબક્કામાં પરીક્ષણ થવાની છે અને હજી સુધી અમે માર્કેટમાં પી.પી.ઇ કીટ શરૂ કરી નથી. તેમણે કહ્યું, "ખાદીના નામે પી.પી.ઇ કીટ વેચવી ગેરકાયદેસર છે. આ ઉપરાંત, આવા ઉપકરણો દરરોજ કોરોના વાયરસ સામે લડતા ડોકટરો અને આરોગ્ય કર્મચારીઓને પણ ખતરો છે." તેમણે કહ્યું કે કેઆઇસી આવી નકલી કંપનીઓ વિરુદ્ધ કાયદાકીય પગલા લેવાનું વિચારી રહ્યું છે.

  • નિવેદનમાં કહેવામાં આવ્યું છે કે દિલ્હી સ્થિત 'નિકિયા કોર્પોરેશન' નામની કંપની દ્વારા બનાવટી પીપીઈ કીટની જાણ કેઆઈસીના નાયબ ચીફ એક્ઝિક્યુટિવ ઓફિસર સત્ય નારાયણને કરવામાં આવી હતી. જેમાં જણાવ્યું છે કે કેઆઇસીએકે માર્કેટમાં કોઈ પીપીઈ કીટ લોન્ચ કરી નથી તથા તેમણે કોઈપણ ખાનગી એજન્સીને વેચવાનો અધિકાર પણ આપ્યો નથી.